Larunbatean hirugarren jardunaldia izan zen, eta, beraz, aurreko bi jardunaldietan lortutako puntuek ere balio zuten. Ibarraz gain beste bost talde zeuden lehian: Gaztedi, Beti Gazte, Badaiotz, Abadiño eta Amaiur. Aurreko bi jardunaldien emaitzen ondoren, Beti Gazte eta Ibarraren artean puntu berdinketa zegoen, eta beraien artean espero zen txapela jokoan izatea. Ibarrako taldea gogor saiatu zen nafarren aurka, baina ezin izan zuten txapela etxeratu. Oso maila ona erakutsi zuten, bigarren postuan amaituz eta zilarrezko domina eskuratuz. 500 kiloko txapelketari begira, eskualdekoek gogor entrenatzen jarraitzen dute, oraingoan txapela etxera ekartzeko ilusioz.
Gizonezkoetan, Ibarrako taldea ez zen sailkatu finalerako. Beti Gazte izan zen irabazlea, eta beste talde hauek izan ziren finalean: Zuraide A, Zuraide B, Ñapurrak, Gaztedi eta Amaiur.
Argazkiak: Potronko