Ibarrako Pilota Elkarteak esku pilota jaialdia antolatu du otsailaren 4ean, larunbatean. Bi partida ikusteko aukera egongo da Ibarrako Belabieta pilotalekuan.
Lehen partidan herriko pilotari gazteak izango dira nagusi, amezketar bat tartean dutela. Gorostidi (Amezketa) eta Goikoetxeak (Ibarra), Perurena-Castro ibartarren aurka jokatuko dute. 18:00etan hasiko da partida hau.
Ondoren profesionalen lehia hasiko da. Promozio mailako txapelketako partida jokatuko dute Agirre-Iztuetak eta Exposito-Bikuñak. Tolosar gaztea ikusteko aukera izango da, beraz, Agirrerekin bikotea osatuz, Ibarran.
Antolatzaileen esanetan sarrera dohainik izango da.