Kirola, festa eta elkartasuna uztartu dituzte beste behin, Ibarran. Izan ere, IX. Urte Zahar Krosaren berezitasuna horixe baita, izena ematerako orduan dirua beharrean, elikagaiak ematen dituzte parte hartzaileek. Bildutakoa, elikagaien bankura bideratzen dute. Aurten, 142 lasterkarik hartu dute parte Ibarrako kaleetan barrena.
Adinez adin, ibilbidea ezberdina izan bada ere, guztiek izan dute irteera eta helmuga udaletxe aurrean kokaturik. Elkartasun eta festa giroan egindako lasterketa izanik, ez dute sailkapenik kontuan hartzen. Azken batean, herritarrak bildu eta urteko azken eguna korrika amaitzea baita.