Aurtengo nobedadea da liburuak hautatu dituztenak Liburutegi tutorizatuak egitasmoan parte hartzen duten neska-mutilak izan direla. Horrez gain, liburuen iruzkinak ere egin dituzte LHko azken urteetan dauden ikasleek.
Katalogoa herrira zabaldu nahian, abenduaren 21ean Benito Eizagirre kultur etxeko areto nagusian katalogoaren aurkezpena egingo dute 17:30etik 18:30era. Bertan, liburuak hautatzen aritu diren ikasleek hautatutako liburuak aurkeztu eta beraien iruzkinak egingo dituzte.
Beraz, ibartar guztiak gonbidatu dituzte katalogo berria ezagutu eta herritar gazteek egindako lanaz gozatzeko. Liburuak ikusgai egongo dira, nahi duenak begiratu bat eman diezaien.