Baserritar jantzien bilketa egingo dute Ibarran

Tolosaldeko Ataria 2022ko abe. 7a, 10:05

Txiki geratutako edo erabiltzen ez dituzten baserritar jantziak bihar eta etzi bilduko dituzte udaletxeko aterpean, 19:00etatik 20:00etara. Beharra dutenek abenduaren 13an jantzia jasotzeko aukera izango dute.

Ibarrako Udalak eta Hauspoa elkarteak herriko neska-mutilen «berdintasuna sustatu» nahi dute, eta horretarako bidean, baserritar jantziak bildu nahi dituzte. Horrela, abenduaren 23an eta 24ean «ahalik eta herritar gehien baserritarrez jantzita» joatea nahi dute. «Helburua da txikiak gelditu zaizkien baserritar jantziak beharra dutenei helaraztea», esan dute.

Jantzien bilketa abenduaren 8an eta 9an egingo da, bihar eta etzi, udaletxeko aterpean, 19:00etatik 20:00etara. Jantzi guztiak jasota, beharra dutenei banatuko zaie abenduaren 13an, 19:00etatik 20:00etara bitartean, udaletxeko aterpean. 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!