2022-2023 Euskal Herriko Sokatira txapelketak aurrera jarraitzen du. 4X4ko bigarren jardunaldia igandean jokatu zen, Itsasun (Lapurdi). 21 urtez azpikoak eta 310 kilotan gizonezkoak lehiatu ziren. Ibarra Sokatira Taldeak azken maila horretan atera zuen taldea, emaitza ona lortuz.
310 kilotan guztira hamar taldek hartu zuten parte. Hurrenez hurren: Amaiur, Antsoain, Berriozar, Beti Gazte, Txantrea, Ñapurrak A, Ñapurrak B, Abadiño, Zuraide eta Ibarra A.
Bi bloketan banatuta lehiatu ziren taldeak. Ondoren, bloke bakoitzeko pareko postuak aritu ziren elkarren aurka. Horrela erabaki zen podiuma. Ibarrak multzo-buru amaitu zuenez, beste multzoko lehenaren aurka jokatu zuen, urrearen edo zilarraren lehia.
Ibarrako mutilak gogor saiatu ziren, baina ez zuten Beti Gazte mendean hartzerik lortu. Ondorioz, bigarren postuarekin itzuli ziren etxera. Hirugarren postuan Berriozar sailkatu zen, eta laugarren Ñapurrak A.
