Bola eta toka txapelketak egingo dituzte igande goizean, Ibarrako Emeterio Arrese parkean, Ibarrako kirol elkartearen 56. urteurrenaren harira. Izen emateak 10:00etan irekiko dira eta 10:30ean hasiko dira tiraldiekin.
Antolatzaileek esan dutenez, edonork hartu dezake parte: «Batzuk inoiz probatu ez dutelako, beste batzuk hasiberriak izanda ikasten jarraitzeko, eta adituak ere arituko dira, horiek ikustea ere gozamena delako». Kategoria ezberdinetan banatuta sariak emango dituzte txapelketa amaitzean.
Antolatzaileak eguraldiari begira neurriak hartuko dituztela esan dute, beraz, «lasai agertzeko» deia luzatu dute.