Igande honetarako II. Mendi Martxa antolatu du Bidetxur Mendi Taldeak. Ibilbide luzea eta motza prestatu dituzte: luzea 32 kilometrokoa, 1.425 metroko desnibel positiboarekin, eta motza 20 kilometrokoa, 900 metroko desnibel positiboarekin.
Ibilbide luzekoak 08:00etan abiatuko dira San Bartolome plazatik eta leku beretik aterako dira ibilbide motzekoak ere, baina 08:30ean. Ibilbidea plazan abiatu eta plazan bertan amaituko da, eta tartean, 1.000 eskailerak eta Belabieta igo beharko dituzte besteak beste. Izen ematea doakoa izango da eta egunean bertan egin beharko da.
Informazio gehiago nahi duenak bidetxuribarra@gmail.com helbidera idatzi dezake, edo Facebook eta Instagrameko kontuak bisitatu.