Auzoko egitasmorako boluntarioak behar dituzte

Tolosaldeko Ataria 2022ko ira. 29a, 17:35
Auzoko egitasmoan elkartu zen taldea, 2019an.

Ibarrara etorri berriei euskal kultura eta hizkuntza ezagutarazteko egitasmoan parte hartu nahi duenak 943 65 50 04 zenbakira deitu edo galtzaundi@galtzaundi.eus helbidera idatzi beharko du.

Urteak daramatza Auzoko egitasmoak Ibarran. Ibarrara etorri berriak direnei, eta euskal kultura ezagutzen ez dutenei bertako kultura eta hizkuntza transmititzeko egitasmoa da. Ibarrara etorri berriak, eta Ibarra ondo ezagutzen dutenak elkartzen dira bertan, eta herria, ohiturak, hizkuntza eta beste hainbat kontu praktiko lantzen dira.

Astero elkartzen dira, baina apuntatzen diren boluntarioak txandakatuz joaten dira. Beraz, Ibarrara etorri berriei bertako kultura ezagutarazten lagundu nahi badiezu, eta, bide batez, zuk haien kulturez ikasi nahi baduzu, deitu 943 65 50 04 zenbakira edo idatzi galtzaundi@galtzaundi.eus helbidera.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!