Larunbatean, Peñiscolan, Hispaman Xtreme Triathlon proba lehiatu zen. Allan Hovda norbegiarrak irabazi zuen, Norseman proba hiru aldiz irabazi duen kirolari ospetsuak. Marka handia ezarri zuen gainera Hovdak, aurreko denbora ia 40 minutuan hobetuz.
Peñiscolako gaztelutik habiatu zen proba, 07:00etan. Helmuga 03:00etan itxi zuten. Lehen unetik aurrea hartu zuen Allan Hovda txapeldunak. Igeriketa proba ordubetean amaitu zuen eta bizikletako ibilbidea sei ordutan, 30 kilometro orduko batazbestekoa eginez. Helmugan, 12 ordu eta 4 minututan geratu zuen erlojua. Rafa Espinarrek zeukan orain arteko errekorra, 2018. urtean lortua, 12 ordu eta 43 minuturekin. Hovdaren atzetik, Luis Lasa ibartarra sailkatu zen, 13 orduko denborarekin.