Podiumera igotzen jarraitzen du ur zeharkaldietan lehiatzen den eta Ordizia klubeko igerilaria den Ioseba Mateos ibartarrak. Larunbatean, Bermeon, VIII. Salome Campos 5 kilometroko zeharkaldian parte hartu zuen eta bigarrena izan zen absolutu mailan eta lehenengoa master mailan, 1.04.59ko denborarekin. Lehenengoa absolutu mailan Adnan Mustafic izan zen, 1.00.46ko denborarekin, eta hirugarrena Mikel Iriondo, 1.05.36ko denborarekin.
Igandean, VII. Uribarri Ganboa urtegiko zeharkaldian 2,5 kilometroko distantzian igerian parte hartu zuen eta hirugarrena izan zen absolutu mailan eta lehenengoa master kategorian, 34.57ko denborarekin. Jon Goñez izan zen lehenengoa (34.43) eta Unai Zubeldia bigarrena (34.53).