Izarne Sarasolak atzo gaualdera jaso zuen omenaldia herriko plazan. 200 pertsona inguru elkartu ziren bertan, senide eta herritarren artean. Kuadrillakoek prestatutako omenaldia izan zen, udalaren laguntzarekin. "Ez nuen batere espero omenaldia jasotzea", azaldu zuen Sarasolak ekitaldia eta gero. "Lagunekin nengoen eta plazara iritsi eta dena beteta ikusteak sekulako ilusio egin dit. Oraindik urduri nago. Eskerrak eman gerturatu diren senide, lagun eta ibartar guztiei; beraien babesa ezinbestekoa izan da eta da ibilbide osoan".
Kotxez plazaraino eraman zuten Sarasola, eta bertan, jendearen txalo zaparrada jasotzen zuela, bere gurasoek txapela jantzi eta lore sorta eman zioten. Ondoren bertsoa abestu zioten, eta bere lagunek idatzi bat irakurri zioten. Azkenik, bideo baten bitartez, hainbat lagun eta futbol jokalarik zoriondu zuten Sarasola bere lorpenarengatik.