Ikama Tolosaldeak eta Ikama Goierrik antolatuta, Gipuzkoako ikasle eguna ospatzen ari dira Ibarran, egun osoan zehar.
Bazkaltzeko elkartu dira lehenik plazan 70 bat lagun, eta protokolo feminista irakurri dute. Bazkalostean, Aratz Igarzabal, June Aiestaran eta Mikel Etxezarreta bertsolariak kantuan arituko dira. Arratsaldean, ekitaldi politikoa egingo dute eta Skaipe elektrotxaranga giroa alaitzen arituko da. Gauean, Odolaren mintzoa eta DJ Zepe & menor izango dituzte.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?