Bertso bazkariarekin emango diote hasiera, bihar, Ibarran ospatuko den Gipuzkoako ikasle egunari. Ikama Tolosaldeak eta Ikama Goierrik antolatu dute eguna. Bazkarirako txartelak 15 euroren truke eskuratu daitezke momentuan bertan. 14:30ean izango da bazkaria, eta bertsotan Aratz Igartzabal Bidegain, June Aiestaran Iparragirre eta Mikel Etxezarreta Lasa arituko dira.
Ondoren, 17:00etan, ekitaldi politikoa egingo dute, eta 18:00ak aldera, Skaipe elektrotxaranga hasiko da plazan zehar musikarekin herria girotzen. Eguna amaitzeko, kontzertuak izango dira 23:00etatik aurrera: Odolaren mintzoa eta DJ zepe & menor. Antolatzaileek esan dute edonolako erasoen aurrean protokolo feminista martxan izango dutela gau osoan zehar.