Alkatea bai esan ekimenari jarraipena emanez, hiru kidek udala barrutik ezagutu eta bertan lan egiten duten langileekin egoteko aukera izan zuten pasa den astean. Departamentu ezberdinak ikusi zituzten, besteak beste harrera, euskara zerbitzua, idazkaritza eta kontu hartzailetza. Gidari lana Igor Zapirain Ibarrako alkateak eta Nagore Zubillaga alkateordeak egin zuten.
Bisita egin zutenek orain badakite eskaera bat non eta nola egin, baita zein izango diren eskaerak jarraituko dituen pausoak eta nork kudeatuko dituen ere. Irailetik aurrera berriro jarraituko dute ekimenarekin.