Atzo arratsaldean jaurti zuten Ibarrako Gazte Festei hasiera emateko txupinazoa, eta ordutik festa giroa nabari da Ibarran. Bertsoak sagardo dastaketa eta kontzertuak izan zituzten atzokoan, eta gaurkoan askotariko ekitaldiak dituzte aukeran. Arratsaldean, esaterako, Ibarrako Alurr dantza taldearekin batera, beste hainbat herritatik etorritako taldeak dantzan ikusteko aukera izan da plazan, eta ondoren tortilla eta txokolatea dastatzeko aukera izan da. Barrikotearen ostean, Rodeo, McOnak eta Mugi Panderoa erromeria izango dira, eta goizaldera DJ Trebik gozatuko du giroa.
Bihar, igandea, izango da jaien azken eguna, eta ondoko egitarau prestatu du Ibarrako Gazte Asanbladak:
- 08:59. Gosaria eta T3T-ko korrikalariak animatzera
- 16:59. Julen Magoa
- 18:31. Malen Perez de Arenazaren kontzertu akustikoa eta merienda.