Larunbatean izan zen, Gorlizko badian, Club Deportivo Bilbao taldeak antolatutako zeharkaldiaren 80. edizioa. 200 igerilari baino gehiagok hartu zuten parte, eta bertan izan zen Ioseba Mateos, Ordizia KE klubeko igerilari ibartarra. Neoprenorik gabeko kategorian hartu zuen parte Mateosek, eta bera izan zen onena.
2,8 kilometroko ibilbidea osatu behar izan zuten igerilariek, eta Mateosek 44 minutu eta 28 segundo behar izan zituen distantzia hori egiteko. Harri Baraibar zarauztarra izan zen bigarren, 48 minutu eta 24 segundoko denborarekin. Hirugarren Eduardo Porset bizkaitarra izan zen, 49:08ko denborarekin.