Ibarrako Udalak Oporrak Euskaraz udaleku irekietan izena emateko aukera zabalduko du asteazkenean eta ostirala arte egongo da zabalik. 2012tik 2019ra bitarte jaiotako haurrek hartu ahal dute parte eta Txiribitu aisialdi taldearen lokalean eman behar da izena 17:00etatik 20:00etara. Izena emateko dokumentu hau bete behar da eta dokumentuarekin batera argazki bat, Osakidetzako txartelaren kopia eta kontu korrontearen egiaztagiria aurkeztu behar dira.
Udalekuak ekainaren 27tik uztailaren 22ra izango dira, 09:00etatik 13:00etara. Haur bakarra apuntatuz gero 60,80 euro ordaindu behar dira, bi haurrek 89,17 euro ordaindu behar dute eta hiru haur edo gehiagok 113,50 euro.