Emakumezkoen Oinarrizko Futsal Txapelketaren bigarren edizioa ari dira jokatzen Ibarrako Belabieta Udal Kiroldegian. Lacturale Orvina klub nafarraren, Zaragozako Cesar Augusta klubaren eta, azkenik, Muslera klub kantabriarraren aurka ari dira Lauburuko alebinak, infantilak eta kadeteak. Maila guztietan Zaragozako Cesar Augusta kluba eta Lauburu K.E taldeak iritsi dira finalera.
Xepla elkartean egin dute bazkaria, eta 15:00etan eman diote hasiera alebinen finalari. Arratsaldean jokatuko dira gainontzeko finalak; infantilen partida 16:00etan hasita, eta kadeteena, berriz, 17:00etan.