Atzoko etapan ihesaldian izan zen Iribar eta gaurkoan, laugarrengoan, protagonismoa izan du txirrindulari gazteak. Hamabost txirrindularik alde egin dute tropeletik, tartean ibartarrak, eta denbora luzez eutsi diote. Iribarrek lehen postuan igaro du eguneko lehen mendatea. Horrez gain, saiakera bat ere egin du beste hiru txirrindularirekin ihes egiteko etaparen amaiera aldera, baina azkenean lau horietatik bik aurrera egin dute. Ibartarrak oraindik indarrak izan ditu faboritoen tropela iritsi denean, eta etapa bukatzeko bederatzi kilometro inguru falta zirenean Mikel Bizkarra taldekideari lagundu dio ihes egiten tropeltxo horretatik. Azkenean, 47. postuan amaitu du ibartarrak gaurko etapa. Bihar amaituko da Alpeetako Tourra, Lienzen hasi eta bertan bukatuko den etaparekin.
Txirrindulari ibartarrak lehen urtea du profesionaletan, eta Euskaltel Euskadi taldearekin parte hartzen ari da Alpeetako Tourrean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!