Txumitxako zubia eta San Inazioren arteko bidegurutzea konpontzeko lanak egiten ari dira, eta astelehenetik aurrera itxi egingo dute gune hori. Bidegurutzeko asfaltoa altxatzen hasiko dira eta lan hori egiteko bertatik pasatzea galarazita egongo da ibilgailuentzat. Zaborren edukiontziak San Inazio 1 pareko espaloian jarriko dituzte, espaloiaren zabalgunean.
Euskal herria kaletik San Inaziora edo Leaburu aldera abiatzeko Euskal Herria kaletik behera joan beharko da, eta Idoiagatik sartu. Bestalde, San Inazio auzoaren barruan, noranzko bakarreko errepidea bi noranzkotan ibiltzeko egokituko dute. Errepide mozketak bi aste inguru irautea aurreikusi dute.