Auzoz auzoko bilerekin jarraitzen du Ibarrako Udalak. Hurrengoa ostegun honetan egingo dute Jesus Guridi eta Argindegi auzoetako herritarrekin. Hainbat etxe-talde gonbidatu dituzte, zehazki, Jesus Guridiko 1, 1A, 4, 5, 6, 7, 8, 9 eta 10; eta Argindegiko 3, 4, 5, 6, 8, 10, 12, 14, 16, 18 eta 20. Kultur etxeko areto nagusian elkartuko dira, 19:00etan.
Auzoari dagozkion hainbat gai landuko dituzte, besteak beste, udalak zein aurreikuspen dituen auzoarekiko, orain arte egin diren aldaketak zergatik egin dituzten, eta hemendik aurrera zer egingo duten. Bide beretik, bizilagunek aukera izango dute haien galderak udal ordezkariei zuzenean egiteko.