Bertan Belabietako jubenil eta kadete B taldeek hartuko dute parte. Bakarka, berriz, June Makibarrek eta Irati Larretak uztaiarekin kadete B mailan eta Aitana Zubeldiak pilotarekin jubenil B mailan parte hartuko dute.
Txapelketa bi txandatan antolatu da, goizean 10:30-13:30 eta arratsaldean 15:00-17:20. «Interesatuta dagoen oro gonbidatuta dago bertaratzera, kirol polit honetaz gozatzera», azaldu dute Belabieta klubetik, eta COVID-19aren inguruan indarrean dauden neurriak errespetatuko direla jakinarazi dute.