Gaur arratsalderako zegoen deituta Alkatea, bai esan? ekimenaren hurrengo saioa, baina udalak jakinarazi duenez atzeratu egin behar izan dute. Saioa urtarrilaren 27an izango da, Ibarrako udaletxeko udalbatza aretoan, 17:00etan.
Duela bi urte jarri zuten martxan egitasmoa. Finean, gaztetxoenen iritzi eta ideiei leku emateko espazio bat sortzea du helburu, zuzen-zuzenean alkatearekin ideiak trukatuz, elkarrizketa bidez. Egitasmoa martxan jartzerako, ordea, pandemiak hartu zion aurre, eta lehen saioa telematikoki, bideo dei bidez egin behar izan zuten, bakoitza bere etxean zela pantailaren aurrean. Datorrena, ordea, udaletxeko udalbatza aretoan izango da.
Igor Zapirain alkatearen esanetan, "herriko etorkizuna" dira gaztetxoak eta beraien ahotsa entzun nahi dute udalean. "Parte hartze bat sustatu nahi genuen, bai festa batzordean, eta baita areto nagusian ere, herriko gaztetxoenen kezkak eta iradokizunak jasotzeko", esan zuen lehen saioan alkateak.
Gaztetxoek alkateari galderak egiteko aukera dute, herrian zer egin nahiko luketen edo zer gustatuko litzaieken galdetzeko, adibidez.
Herriko gaztetxoenen ideia, iradokizun eta kezkak jasotzen ditu alkateak saio horietan, elkarrizketa bidez.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!