Giltzak kendu izana salatzeko pankarta bat jarri genuen herritarrei gure egoeraren berri emateko asmoz. Horren ostean mehatxuak jaso genituen gazte asanbladako kideen aldetik pankarta kentzeko esanaz. Besteak beste, pankartaren aitzakiarekin gazte asanbladatik kaleratu gintuzten.
Arazo honen jatorria gazte asanbladan jorratzen diren puntuetan datza, bertan mugimendu politiko zehatz bati loturiko puntuak lantzen baitira. Gai arrotz horren aurrean mugimendu horri loturik ez gauden gazteok ez gara identifikatuak sentitzen eta ondorioz ez ginen asanbladetara azaltzen, baina gerora, eta Gaztetxearen dinamika barrutik eraldatzeko asmoz, asanbladetara azaltzen hasi ginen. Beraiek eraso zuzen gisa hartu zuten ordea, eta ekimen horren ondotik kaleratuak izan gara bigarren aldiz eta behin betiko betoa jarri digute.
Guk ez dugu besterik eskatzen: Gaztetxea bertako gazteentzat izatea, herriko gazte guztiek baitugu bertan parte hartzeko eskubidea. Herriko Gaztetxea, herriko gazte guztientzat.
Aratz Sarasola eta Beñat Rubiños eta Ibarrako beste 10 gazte. Ibarra