Alurr dantza taldeak antolatu du pailazoen ikuskizuna otsailaren 11rako. Bi saio izango dira, lehena 17:30ean, eta bigarrena 19:00etan. Aurrez, sarrerak erosi beharko dira Goxobiren Ibarrako edo Tolosako dendetan, Zubiaurre tabernan edota Oramahai kafetegian.
Amaren intxaurrak ikuskizunak heriotza du ardatz. Heriotza bizitzaren parte den momentutik, gaia lantzeko euskarri bat gehiago izan nahi du sudurgorrien azken lanak. Ikuskizunean zehar Alurr dantza taldeko txikienek parte hartuko dute.
Bestalde, Alurretik jakinarazi dute abenduaren 24an Olentzero eta Mari Domingiren jaitsieran ere parte hartuko dutela Alurreko dantzariek, aurreko urtean ez bezala, "ilusio plazaratu eta urteroko eskaintzarekin jarraitzeko". Aurten ere, egutegiak aterako dituzte eta dantza taldearen materiala erosteko aukera ere izango da.