Izan ere, lehia oso borrokatua izan zen. Zortzi taldek parte hartu zuten txapelketan, eta guztiek guztien kontra tira egin zuten. Ibarra eta Beti Gazte taldeek azkeneko tiraldia euren artekoa jokatu behar izan zuten, bakoitzak aurreko guztiak irabazita zituztela. Bada, azken tiraldi horretan bakoitzak tiraldi erdia irabazi zuen, eta berriro beste tiraldi bat jokatu behar izan zuten. Horretan ere berdinketa egin zuten, eta azken tiraldi erdia jokatu behar izan zuten, eta hor Beti Gaztek irabazi zuen.
Hurrengo txapelketa asteburu honetan izango dute ibartarrek, eta bertan 4x4ko talde mistoak parte hartuko du. Urtarrilean hasiko dira zortziko modalitatean.