Azken bilera ere Euskal Herria kaleko hainbat bizilagunekin egin zuten, baina oraingoan honakoek hartuko dute parte: bikoitiak, 52, 54, 56, 58, 60, 62 eta 64; bakoitiak, berriz, 63, 65, 69, 73, 75, 81, 83 eta 85. Hilaren 24an izango da, 19:00etan, kultur etxeko areto nagusian.
Auzoari dagozkion hainbat gai landuko dituzte, besteak beste, udalak zein aurreikuspen dituen auzoarekiko, orain arte egin diren aldaketak zergatik egin dituzten, eta hemendik aurrera zer egingo duten. Bide beretik, bizilagunek aukera izango dute haien galderak zuzenean egiteko udal ordezkariei.