Arane baserriaren ondoko harraska berreskuratzeko lanean ari da Ibarrako Udala. Momentuz indusketak egiten ari dira, eta dagoeneko topatu dute lurpean zegoen harraska. Haren jatorriari buruzko informazioa jasotzeko Aranzadi zientzia elkartearekin harremanetan jarri da udala.
Dena dela, ahalik eta informazio gehiena biltzeko, udalak dei egiten die herritarrei harraskari buruzko informazioa jasotzen duen dokumenturik edo argazkirik badute, kultur etxera eramateko. Informazio hori bildu eta berehala itzuliko zaie aurkeztutako dokumentazioa.