Kirol eta kulturaz jantzitako Udazken Egitaraua aurkeztu dute Ibarran. Herriko hainbat eragilerekin elkarlanean osatu dute, eta azaro osorako antolatu dituzte jarduerak. Lehena larunbatean egingo dute: mendi duatloia, hain zuzen.
Nagore Zubillaga Kultura zinegotzia ilusioz agertu da "urteroko izaera duten hainbat ekitaldi berreskuratu eta berri batzuk gehitu" dituztelako. Ibarra "gauza gehiago egiteko gogoz" sumatzen dutela esan du, "egoerak ekitaldiak nolabaiteko normaltasunez egiteko aukera" ematen dielako, eta herritarrei tentuz parte hartzeko eskatu die eta, aldi berean, gozatzeko.
Kilometroen aurkezpena
Ohiko formatuetatik gertu berreskuratu dituzte, esaterako, mendi duatloia eta Xexili eguna. Kontzertu, dantza ikuskizun eta hitzaldiren bat ere egingo dute, eta Uzturpe ikastolak 2022rako duen erronka "interesgarri" bati ere egingo diote kasu: azaroaren 26an, Kilometroak jaialdiaren aurkezpen ofiziala egingo dute.
Egitaraua
- Azaroak 6, larunbata
11:00. Haurren mendi duatloia, plazatik abiatuta.
15:20. Helduen mendi duatloia, plazatik abiatuta.
(Bi probetako izen emateak kirolprobak.com helbidean). - Azaroak 12, ostirala
18:00. Atzerriko ikasteken homologazioaren inguruko hitzaldia, kultur etxean. - Azaroak 14, igandea
18:30. Amak taldearen kontzertua, Belabieta kiroldegian. - Azaroak 23, asteartea
18:00. Xexili eguna, plazako aterpean. - Azaroak 26, ostirala
Arratsalde / iluntzean. Kilometroak jaialdiaren aurkezpen ekitaldia, Belabieta kiroldegian. - Azaroak 28, igandea
19:00. ‘Haatik’ dantza emanaldia, Belabieta kiroldegian.