Euskal Herria kaleko 35. zenbakiko espaloian (Laboral Kutxaren bulego parean) irisgarritasuna hobetzeko lanak hasi zituzten astelehenean. Ibarrako Udaletik esan dutenez, obraren helburua Euskal Herria 37tik 35era igotzeko espaloiaren malda ahal den neurrian arintzea, eta goialdean espaloia zabaltzea da. Edukiontzientzat gune mugatua utziko dute, eta behealdean ere espaloia aurreratu egingo dute oinezkoak babesteko.
Udaletik azaldu dute gurpildun aulkian dagoen bizilagun batek eskatu zuela hobekuntza, eta beharrezkoa zela ebatzita, lanak egitea erabaki dute. Lanek 13.700 euroko kostua izango dute.