Euskaltel-Euskadirekin sinatu eta gero, Laboral Kutxa taldearekin azken proba bat egitea geratzen zitzaion Iribarri, larunbatean izan zen Ereñoko proba. Bakarrik sartu zen helmugan ibartarra, bigarren izan zen Oier Aldamari 26 segundo aterata. Euskadiko Federazioak antolatzen duen Helduz Txapelketako azkenengo lasterketa zen Ereñokoa, eta txapelketa horretako sailkapen orokorrean hirugarren geratu da Iribar.
Laboral Kutxako bere ibilbideari bukaera ezin hobea eman ondoren, Euskaltel-Euskadirekin stagiare moduan Italian eta Frantzian ariko da egunotan Iribar. Gaur, hain justu, Siziliako Giroko lehen etapan parte hartu du. Tropelean iritsi dira eta 72. postuan amaitu du ibartarrak.