Hitzordua 10:00etan zuten, Ibarrako plazan, eta 92,5 kilometro egin ondoren helmuga Uzturpe Ikastolaren parean izan dute. Alegia aldera egin dute hasieran, eta Ordizia eta Alegia bitartean hiru itzuli egin ondoren, Altzo aldera joan dira. Txaramatik segi eta Tolosatik barrena Ibarrara joan dira ondoren. Helmugatik igaro dira, baina Etxezarretako gaina igo dute txirrindulariek berriro. Ibarratik pasa ostean, lasterketa Uzturpeko Ikastolaren aurrean bukatu dute, bertako malda pikoa igoz.
2:03:51 denboraran sartu da lehen txirrindularia helmugara. Ulma taldeko Aimar Erostarbe izan da, hain zuzen. Danel Casais oñatiarra izan du atzetik (2:03:55), eta hirugarren postuan berriz, Nicolas Alustiza zumarragarra geratu da, 2:03:57 denborarekin.