Ibarrako Gazte Asanbladak abuztuaren 20rako Gazte Eguna antolatu du. Bertso bazkaria egingo dute lehenik eta ondoren elektrotxaranga izango dute. Bazkaria Sendi Ekintza elkartean izango da, 14:30ean, eta sarrerak Zubiaurre tabernan izango dira eskuragarri abuztuaren 17a bitartean. Langileek 12 euro ordaindu beharko dute eta ikasle eta langabetuek 10 euro. Bertsotan, berriz, Aitor Tatiegi, Bittor Altube eta Gorka Pagonabarraga arituko dira.
Bazkaldu ondoren, 19:00etan, Distopia elektrotxarangarekin gozatzeko aukera izango da plazan. Egun horretan bildutako dirua Errakiren erresistentzia kutxara bideratuko da.