Uda Kulturala egitaraua prestatu du udalak

Tolosaldeko Ataria 2021ko uzt. 15a, 10:24
La Topadora taldeak irekiko du Uda Kulturala egitaraua.

Ibarrako Udalak martxoan erabaki zuen herriko jairik ez ospatzea, eta horren ordez kultur ekitaldiak antolatzea adostu zuen eragile eta norbanakoekin egindako bileretan.

Udako hilabeteetarako guztira lau kultur ekitaldi antolatu dituzte, hiru kontzertu eta dantza emanaldi bat. Emanaldiek edukiera mugatua izango dute eta beraz, aurrez eskatu behar dira gonbidapenak kultur etxera deituta (943 67 03 99). Udalak esan du uneoro bermatuko dituztela osasun-neurriak betetzen direla.

Egitaraua

Uztailak 30

  • La Topadora taldearen kontzertua, 22:30ean, Emeterio Arrese parkean.

Abuztuak 21

  • Alurr dantza taldearen Gattiu dantza ikuskizuna, 19:00etan, Emeterio Arrese parkean.

Abuztuak 23

  • Puro Relajo taldearen kontzertua, 20:00etan, Emeterio Arrese parkean.

Abuztuak 24

  • Bulego taldearen kontzertua, 22:00etan, Emeterio Arrese parkean.
kultura Ibarra

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!