Iraila bukaerara arte matrikulatu daiteke Ibarrako Alurren dantza eskoletan. "Aurtengo kurtsoa zaila bezain borrokatua izatean eman ditu bere fruituak eta dantza taldea aurrera ateratzen jarraituko dugu. Datorren kurtsoan ere aurten bezala klase guztiak aurrera ateratzen saiatuko gara", esan du dantza taldeak.
Gogoratu du ohiko eskolez gain, talde batzuk elkar lotuko dituztela eta balleteko zein helduei zuzendutako eskolak dituzte aukeran. Matrikulazioa alurr.eus webgunearen bitartez edota Ibarrako Kultur Etxean matrikulazio orria eskatuta egin daiteke.