Denboraldia bukatu zenean, Melilla Sport Capitaleko entrenatzaile berria Maizarekin eta bere ordezkariarekin harremanetan jarri zen. "Beste talde batzuekin hizketan egon arren, lehenengo unetik konfiantza osoa eskaini zidaten Melillatik eta horregatik hartu dut aukera hori", esan du Maizak.
Melilla Sport Capital taldeak bere webgunean eman du fitxaketaren berri, eta Maiza taldearen lemazain berria izango dela azaldu dute. "Aurrerapauso bat emateko asmoa dut, eta espero dut denoi gauzak ondo ateratzea", esan du joko antolatzaile ibartarrak. "Entrenatzailearekin hitz eginez, esan bezala, konfiantza osoa eskaini didate bai berak eta bai klubak. Uste dut gain nahi zela aurrerapauso hori emateko eta gogotsu nago".