Atzo, emakumezkoen txirrindularitzako Espainiako Kopako lehen proba jokatu zen Pontevedran (Galizia). Bertan izan zen Naia Amondarain, Sopela Team taldeko txirrindulari ibartarra.
23 urtez azpiko mailan lehiatu zen, elite mailako txirrindulariekin batera. Lasterketa ona eginda, seigarren sailkatu zen, irabazlearengandik 35 segundora. 23 urtez azpikoen artean, hirugarren izan zen Amondarain. Bestalde, taldeka, lehen postua eskuratu zuen Sopela Team talde bizkaitarrak.
