Txirrindulari ibartarrak lehen postua lortu du taldeka, Sopela Team taldearekin, Pontevedran jokatutako elite mailako emakumezkoen Espainiako Kopako lehen proban.
Atzo, emakumezkoen txirrindularitzako Espainiako Kopako lehen proba jokatu zen Pontevedran (Galizia). Bertan izan zen Naia Amondarain, Sopela Team taldeko txirrindulari ibartarra.
23 urtez azpiko mailan lehiatu zen, elite mailako txirrindulariekin batera. Lasterketa ona eginda, seigarren sailkatu zen, irabazlearengandik 35 segundora. 23 urtez azpikoen artean, hirugarren izan zen Amondarain. Bestalde, taldeka, lehen postua eskuratu zuen Sopela Team talde bizkaitarrak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!