Ibarrako Gazte Asanbladak antolatuta Gazte Asteburua ari dira egiten, Ibarran. Hori bai, Covid 19-aren testuinguruaren ondorioz, iganderako antolatuta zeukaten egitaraua bertan behera utzi behar izan dutela esan dute gazte asanbladatik.
Gazte Asteburua antolatu dute Ibarrako Gazte Asanbladako kideek. Festarik ez bada ere, ekitaldiz bete nahi izan dute asteburua, nahiz eta, azken unean, iganderako prestatuta zuten egitaraua ezingo duten aurrera eraman.
Atzo dantza emanaldia eta kontzertua izan zituzten, eta gaur goiza, herriko haurrei begira antolatutako 3x3 Futbol Saioarekin hasi dute. San Inazioko futbol zelaian elkartu da haur mordoa, eta LH3tik DBH2koek parte hartu ahal izan dute.
Arratsaldean, 17:30ean, gazte jolasak egingo dituzte, plazan. Eta Gazte Asteburuari bukaera emateko, 22:00etan, Herdoil taldearen kontzertuaz gozatzeko aukera izango dute herriko plazan.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!