Asteburu honetan auzolana egin behar zuten erreka-bazterreko landaredia garbitzeko, baina atzeratu egin dute. Ostiralean eta larunbatean aritu behar zuten lanean herriko boluntarioek. "Baldintza hobeak" daudenean egingo dela aurreratu du Ibarrako Udalak eta prest dutenean jakinaraziko dute data berria.
Aste batzuk atzera, errekako zaborrak jaso zituzten, eta, orain, bazterretako landaredia garbitu behar zuten. Egitasmoaren helburua da "espezie inbasoreak kentzea eta bertako landareentzako ingurua garbitzea".