Taldearen parte dira Inko Oruesagasti, Maddi Iguaran, Nagore Imaz, Olaia Garziarena, Laia Ortiz eta Eider Lasarte gimnastak, eta Aintzane Agirre, Saioa Sorondo eta Laura Navascues entrenatzaileak. Estatu mailako txapelketa batean, Taldeen Oinarrizko Kopa izenekoa, hartuko dute parte ekainaren lehenengo astean, oraindik lekua zehaztu gabe badago ere. Klubetik azaldu dutenez, «egun handi horretarako» prestatzeko asmotan, igande honetan epaileen aurrean kontrol bat izango dute Donostian, eta apirilaren 25ean, berriz, Euskadiko Txapelketa Durangon.