Herriko jaiei eta ekintzei buruzko hausnarketa abiarazi nahi du Ibarrako Udalak, eta horretarako, martxoaren 24an, 19:00etan plazako estalpean egingo den mahai inguruan parte hartzera gonbidatu nahi dituzte Ibarrako eragile eta norbanakoak, "denon artean erabaki ahal izateko nolako herria nahi dugun, nolako jaiekin eta nolako ekintzekin".
Mahai inguruak egoera epidemiologikoaren arabera aldaketak izan ditzakeela esan du udalak: "atzeratu edo online formatura pasatzea posible izan daiteke".
Hausnarketa "ahalik eta aberatsena" izan dadin, galdeketa hau betetzea eskatu dute. Mahai inguruan parte hartu nahi duenak aurrez izena eman beharko du kulturetxea@ibarra.eus helbidean edo kultur etxera aurrez aurre joanda. Norbaitek hala eskatuko balu, online parte hartzeko aukera ere ahalbidetuko dute.