Ibarra eremu gorrian dagoen Gipuzkoako hiru herrietako bat da. Atzo jasotako datuen arabera, bost positibo berri izan ziren, eta, beraz, azken hamabost egunetako tasa 1.045ekoa da. Bestalde, Ibarrako osasun eremuak 7o1eko tasa du. "Zifrak oso altuak dira, eta alderatuta inguruko herriekin, beraiek askoz baxuago daude", zehaztu du Zapirainek. "Iruditzen zaigu baheketa bat eginez herrian, asko geldituko zela. Gehienbat beste herrietara ez zabaltze arren nahiko genuke neurria hartu. Tolosa, adibidez, eremu horian dago, eta gainontzeko herri guztiak ere horian daude, eta, esan bezala, ez zabaltzeko asmoz egingo litzateke". Astelehenean jakingo dira asteburuan jasotako datuak, eta horren arabera hartuko du Ibarrako Udalak departamendu epidemiologikoarekin harremanetan jartzeko erabakia.
Aurretik ez da baheketarik egin Ibarran. Tolosan egin zutenean, Nekane Murga orduko sailburuak bilera batera deitu zuen Ibarrako alkatea, baina azkenean erabaki zen herrian ez egitea. "Orduan udal barneko protokolo bat egin genuen, egunen batean baheketa egin beharko balitz prest izateko", esan du Zapirainek.