Egunean bertan, sartzeko ateak 17:30ean irekiko dira eta emanaldia 18:00etan hasiko da. Ibarrako Udalak jakinarazi du gazteei zuzendutako ekitaldia dela.
Kontzerturako gonbidapenak gaur arratsaldetik aurrera jaso daitezke kultur etxean; 10:30etatik 13:00etara eta 16:00etatik 20:00etara egongo da zabalik. Pertsona bakoitzak gehienez bi sarrera hartu ahalko ditu eta gonbidapenak izendunak izango dira.
Pandemia egoera dela eta, udalak hainbat zehaztapen egin ditu:
- LABIaren erabakiz Erkidegoko udalerri guztiak itxi direnez, kontzertura Ibarrako ikusleak bakarrik bertaratu ahalko dira.
- Covid-19a dela eta, kontzertura joango direnek protokoloan zehaztutako jarraibideak zorrotz jarraitu beharko dituzte.
- Covid-19aren bilakaeran xedatzen diren neurrien ondorioz emanaldia bertan behera utzi ahalko da.