Sei taldekide izango ditu Iribarrek: Juan Ayuso, Javier Serrano, Pablo Garcia, Andoni Lopez de Abetxuko, David Martin eta Xabier Isasa. Iribar eta taldekideak profesionalekin lehiatuko dira, proba horri UCIk 1.2 kategoria ematen baitio. ProTeams eta UCI Continental mailako taldeak ariko dira bertan.
Probak 150 kilometroko ibilbidea izango du, La Nucia udalerria eta Valentzia artekoa. Mikel Zabala hautatzaileak azaldu duenez, «taldeko txirrindularientzako helburu nagusia aukera aprobetxatzea da, eta ikasi dezatela profesionalen artean lehiatzen. Taldea egin behar dugu eta konplexurik gabe parte hartu».