Abenduaren 24rako aurreikusita zuten kantu bira egitea, baina neurriak medio, bertan behera utzi behar izan dute. Hala ere, egun horretan, herriko pi puntutan, presoen etxeratzearen aldeko materiala jarriko dute saltzeko. Pegatinen truke borondatea uzteko aukera ere izango da eta kaleak girotzeko presoen aldeko abestiak jarriko dituzte bozkorailuetatik.
Abendauren 25ean, hilabeteko azken ostirala izanik, Ibarra sarreran kontzentrazioa egingo dute 19:30ean. Urteko azken egunean, abenduaren 31n, azken urteetan ohiko hitzordua bilakatu den antortxen martxa egingo dute, "ziegaren barneko iluntasunari argitasuna" emango diote. 19:30ean abiatuko da martxa plazatik.
Azkenik, urtarrilaren 9an, Sarek deitutako Izan Bidea ekimenarekin bat eginez, manifestazioa egingo dute 17:30ean, plazatik abiatuta. Segidan, plaza elkartasunez betetzeko erronka jarri nahi diete herritarrei, ekitaldi batekin batera.