Ibarrako Azkue auzoko parkea berritzekotan dira. Horretarako, Ibarrako Udalak eta Gaztezulok elkarlanean, parte hartze prozesu bat jarri nahi dute martxan, herriko haur, nerabe eta gazteek zer nolako parkea nahi duten irudika dezaten.
Parkea berritzeko proposamenak bildu nahi dituzte, baina horiek biltzeko bilerak egingo dituzte aurrez. Jasotzen dituzten proposamen guztiak bildu ondoren, udaletxean aurkeztuko dituzte.
Prozesuan parte hartu ahal izateko, 688 810 300 telefono zenbakira whatsapp mezua idatzi beharko da izen-abizenak eta adina zehaztuta. Eta ondoren, bueltan erantzuna jasoko dute informazio guztiarekin. Parte hartu nahi dutenei jarraibideak emango zaizkie guztien proposamenak jaso eta denen artean parkea eraberritzeko ideia nola garatu gauzatzeko.
Ibarrako haur, nerabe eta gazteek irudikatuko dute Azkue auzoko parkea nola eraberritu; 688 810 300 zenbakira idatzi beharko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!