Lehen taldea salbu, beste guztien jarduera eten da Lauburun

Tolosaldeko Ataria 2020ko aza. 12a, 17:59

Eusko Jaurlaritzaren 38/2020 Dekretua jarraituz, Lauburu K.E. Ibarrak jakinarazi du taldeko edozein kirol-jarduera etetea erabaki duela, bai entrenamenduan, bai lehiaketan, autonomia eta lurralde eremuko klubeko kategoria guztietan.

Beraz, Bigarren B maila nazionaleko lehen taldea izan ezik, izaera erdi-profesionala baitu, klubeko gainerako kategoria guztietako entrenamenduak bertan behera geratuko dira azaroaren bukaera arte.

Bestalde, Nafarroako Foru Komunitatearen eta Euskal Autonomia Erkidegoaren arteko bateraezintasuna ebatzi arte, klubak Bigarren B mailako taldearen partida ofizialak atzeratzeko eskaera egiten jarraituko du, taldeko lau jokalari nafarrek ezin baitute beren komunitatetik atera, ez entrenamenduetarako ezta partidetarako ere.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!