Ibilgailuen eta herritarren errotazioa bermatzeko helburuz jarri dute aparkaldi mugatua. "Modu honetara, erosketa arinak burutzeko tartea eskaintzen zaie herritarrei, eta maiztasunez ibilgailuen aldaketak emango dira. Merkataritza sustatzeko bidean beste pauso bat da", esan du Ibarrako Udalak. 20 minutuko aparkaleku horiek, Euskal Herria kaleko 12 A,B, C, D eta E zenbakien parean eta 37, 39 eta 41 zenbakien parean ipini dituzte. Guneetan aparkaldiaren denbora mugaren berri ematen duen ikurrak margotu dituzte.
Aparkaldiak doakoa izango dira, baina erabiltzaileek tiketa atera beharko dute, "denbora tarteak azkarrak izatea bermatzeko". Tiketa, egoiliar txartela dutenek ere atera beharko dutela argitu du udalak.
Anbulatorioaren pareko aparkalekuetan izango du eragina neurriak eta merkataritza sustatzeko helburuz lehenengo 20 minutuak doakoak izango dira. Tiketa atera beharko da, baina egonaldiaren lehen 20 minutuak doakoak izatea bideratuko du makinak. Aparkaleku horietan egoiliarrek ez dute tiketa atera beharko, beraz, 20 minutuko aparkaldi guneetan bakarrik atera beharko dute tiketa.