Aurtengo San Bartolome jaiak bertan behera geratu direnez, kultur egitarau bat osatzeko asmoa erakutsi zuen udalak, eta pasa den astean egin zuten bilera festa batzordeko kideek. Bilera horretan, ekintza puntualen egitarau bat osatzeko ahalegina egingo zela hitzartu zuten, horrela, udazkeneko egitarau bat eskainiko zaie herritarrei. Osatu ahal izateko, ordea, kultur proposamenak bildu nahi dituzte eragile ezberdin zein norbanakoengandik. Irailaren 14a baino lehen egin beharko dira proposamenak. Gaur egungo egoerara molda daitezkeen proposamenak izan daitezela eskatu dute festa batzordetik.